د ختیځ زون معیار او کیفیت ریاست له لوري د جلال اباد ښاروالۍ (۹۵) نوعه وسایط، ماشینري او جنراتورونو سوخت موادو مصرفي معیارونه تعین او تثبیت شول.
د ختیځ زون د معیار او کیفیت ریاست له لوري د جلال آباد ښاروالۍ (۹۵) نوعه نقلیه وسایطو، ماشینري او جنراتورونو نورمونه تثبیت شول
د امیرالمؤمنین حفظه الله تعالی د (۸) ګڼې فرمان د تطبیق په لړ کې، د ختیځ زون د معیار او کیفیت ریاست اړوند دتنظیم نورم آمریت د تخنیکی اومسلکي ټیم له لوري د جلال آباد ښاروالۍ د مصرفي نقلیه وسایطو ،ماشینري او نورو مصرفي مواردو نورمونه له هر اړخیزې ارزونې او تخنیکي معاینې وروسته تثبیت او منظور شول.
د یادو نورمونو د تثبیت موخه د شفافیت پیاوړتیا، د دولتي شتمنیو ساتنه، د لګښتونو کنټرول، د امکاناتو اغېزمنه ګټه اخیستنه او د اداري چارو لا ښه تنظیم دی. د دې پروسې په عملي کېدو سره به د نقلیه وسایطو مصرفونه د ټاکل شویو معیارونو له مخې ترسره کېږي، چی د بې ځایه لګښتونو مخنیوی او په کمو امکاناتو به لا ډېر او غوره خدمات وړاندې شي.
د ختیځ زون د معیار او کیفیت ریاست مسؤلین وایي، د امارتي ادارو د نقلیه وسایطو د تعین او تثبیت پروسه په ختځ زون او ټول هېواد کې د یوه منظم او معیاري سیستم د رامنځته کولو لپاره روانه ده، چې موخه یې د شفافیت تأمین، د عامه شتمنیو ساتنه او د خدماتو کیفیت لوړول دي.
دختیځ زون دمعیار او کیفیت ریاست
